༄༅།།ཨོཾ་བདེ་ལེགས་སུ་གྱུར་ཅིག
།
ལྟ་སྤྱོད་གཙང་མས་ལེགས་པར་རྒྱན་གྱུར་ནས།
།གདོད་ནས་བྱང་ཆུབ་སྙིང་པོར་གཤེགས་གྱུར་ཀྱང་། །
ཁ་བ་གངས་ཅན་པ་ཡི་ལས་དབང་དང་། ། འཚམ་པར་སྤྱོན་པའི་མགོན་པོ་ཁྱེད་ལ་འདུད། །
ལྟ་བ་རྟེན་འབྱུང་གཏམ་གྱི་རོལ་མོ་དང་།
།སྤྱོད་པ་འཚེ་མེད་འཛུམ་གྱི་རྣམ་པ་ལས། །
ཕྱོགས་ཀུན་ཁྱབ་པའི་སྐྱེ་རྒུ་དུ་མ་ལ། །ཡང་དག་ལྟ་སྤྱོད་སྐྲུན་པོ་ཁྱེད་ལ་འདུད།
།
ཤྭཀྱ་སེང་གེའི་མཛད་མཆོག་འཁོར་ལོ་ཡི།
།དོན་སྙིང་བཅུད་ཀྱི་གསེར་ཐག་ལེགས་བརྒྱུད་ནས། །
སྙིང་བརྩེའི་ངང་གིས་ལུས་ཅན་འབུམ་ཕྲག་གི །མགུལ་བར་རྒྱན་མཁས་མགོན་པོ་ཁྱེད་ལ་འདུད།
།
སྐམ་སར་གནས་པའི་སྲོག་ཆགས་དུ་མ་ཡིས།
།རེ་སྒུག་སྤྲིན་ནག་ཚོམ་བུའི་ཆུ་ཐིགས་ལྟར། །
ཆོས་སྒྲས་ཕོངས་པའི་ཤེས་ལྡན་ཇེ་སྙེད་ཀྱི། །རྣ་བར་ཆོས་ཆར་འབབ་པོ་ཁྱེད་ལ་འདུད།
།
བྱིའུ་ཕྲུག་ཐང་གྱར་བོད་ཀྱི་སྐྱེ་དགུ་ཀུན།
།ཐེམ་སྒང་བྱིའུ་ཆུང་མགོ་བོ་མྱུག་ཙམ་ལས། །
ཕུགས་ཐག་ཆོད་པའི་སྙིང་སྟོབས་མི་ལྡན་ཡང་། །སྙིང་སྟོབས་གསར་དུ་སྐྲུན་པོ་ཁྱེད་ལ་འདུད།
།
བྱིས་པ་ཤེད་མ་བྱེ་བ་བདག་ལྟ་བུའི།
།བྱིས་པའི་བརྟུལ་ཞུགས་འཛིན་པའི་མིའུ་ཆུང་ཁྱུར། །
བྱམས་བརྩེའི་འཛུམ་གྱིས་ཕྱུག་པས་གཏམ་བཟང་པོས། །བྱིས་བློ་གསར་དུ་འབྱེད་པོ་ཁྱེད་ལ་འདུད།
།
མདོར་ན་མགོན་པོ་ཁྱེད་ཀྱི་བྱིན་མཐུ་ཡིས།
།བདག་རྒྱུད་རྨོངས་པའི་སྨག་རུམ་ཚར་གཅོད་ནས།
ལམ་བཟང་ལྟེ་བར་ལེགས་པར་མྱུར་འཁྲིད་པ། །བཀའ་དྲིན་གསུམ་ལྡན་མགོ་པོ་ཁྱེད་ལ་འདུད།
།
ཅེས་ཚིགས་སུ་བཅད་པའི་ཡི་གེ་དགུ་པའི་བདག་ཉིད་ཅན་གྱི་ཤོ་ལོ་ཀ་བདུན་པོ་འདི་༧རྒྱལ་བ་དགྱེས་པའི་མཆོད་
སྤྲིན་དུ་དུས་ཁྱད་པར་ཅན་སྐུའི་འཁྲུངས་སྐར་ལ་ཕུལ་པས་དགེའོ། །
No comments:
Post a Comment